बुटवल । देवसिद्ध खानेपानी तथा सरसफाई उपभोक्ता संस्था बुटवल–११ देवीनगर, रूपन्देहीले सदस्यता दायित्व रकम फिर्ता गरेको छ ।
संस्थाका ५८५ जना उपभोक्तालाई ५ हजार रुपैयाँका दरले सदस्यता दायित्व रकम फिर्ता गरेको हो ।
बिहीबार एक कार्यक्रम आयोजना गरी संस्था जेष्ठ सदस्य नामदेउ चापागाईको परिवारलाई ५ हजारको चेक संस्थाका संस्थापक सल्लाहकार चण्डीप्रसाद न्यौपानेले हस्तान्तरण गरी कार्यक्रमको सुरू गरे ।
सो अवसरमा बोल्दै न्यौपानेले संस्था बलियो बन्दै गएपछि सदस्यहरुको दायित्व बापत राखिएको रकम फिर्ता गरिएको जानकारी दिए । संस्थाले २०७४ सालमा पनि ५५२ जना सदस्यलाई दायित्व रकम फिर्ता गरेको थियो ।
कार्यक्रममा संस्था अध्यक्ष भरत पाठकले उपभोक्ताहरुलाई स्वच्छ पानी खुवाउनको लागि ट्याङकीमा नैं फिल्टर जडान गर्ने तयारी गरिएको जानकारी दिए । उनले संस्थाको दिगो आर्थिक स्रोत जुटाउने गरी काम पनि अगाडि बढाएको बताए ।
संस्थाका सचिव लोकराज शर्माले खानेपानीको गुरुयोजना निर्माण अन्तिम चरणमा पुगेको जानकारी दिए । शर्माले संस्थालाई रुपन्देहीकै नमूना खानेपानी संस्था बनाउने गरी अगाडि बढिएको बताए ।
संस्थाका सल्लाहकार सुरज भट्टराई सबैको पहल र आवश्यकताले खानेपानी संस्था स्थापना गरिएको भन्दै यसको विकास र संरक्षण गर्दै अगाडि बढनुपर्ने बताए ।
संस्थाका कोषाध्यक्ष तथा कार्यक्रम संयोजक डम्बरबहादुर थापाको स्वागत तथा सचिव लोकराज शर्माको सञ्चालनमा कार्यक्रम सम्पन्न भएको थियो ।
प्रतिक्रिया