काठमाडौं । नेकपा (एमाले) निकट विद्यार्थी संगठन अनेरास्ववियुले सिंहदरबारको दक्षिण गेट अगाडि मोटरसाइकल पार्किङ गरेर विरोध प्रदर्शन गरेको छ।
बिहीबार बिहान अनेरास्ववियुका नेता दीपक धामीको नेतृत्वमा पुगेका विद्यार्थीहरूले मोटरसाइकल सडकमै पार्किङ गर्दै सरकारविरुद्ध नाराबाजी गरेका हुन्। प्रदर्शनका कारण सिंहदरबार दक्षिण गेटअगाडिको सडकमा केहीबेर यातायातसमेत प्रभावित भएको छ।
प्रदर्शनका क्रममा विद्यार्थीहरूले राज्यले आतंक मच्चाएको आरोप लगाउँदै चर्को नाराबाजी गरेका थिए। उनीहरूले ‘गरिबको आवाज दबाउन पाइँदैन’ लगायतका सन्देश लेखिएका विभिन्न प्लेकार्ड पनि प्रदर्शन गरेका थिए।
केहीबेरको प्रदर्शनपछि प्रहरीले हस्तक्षेप गर्दै प्रदर्शनकारीलाई सडकबाट हटाएको थियो ।
विद्यार्थीहरूले सरकारको पछिल्लो कार्यशैलीप्रति असन्तुष्टि जनाउँदै नागरिकको आवाज दबाउन खोजिएको आरोप लगाए।
प्रतिक्रिया