काठमाडौं । करदाता प्रोत्साहन कार्यक्रमअन्तर्गत साउनको दोस्रो पाक्षिक पुरस्कारका विजेताहरू घोषणा गरिएको छ।
यसपटक १६ जना उपभोक्ताले जनही एक लाख रुपैयाँ पुरस्कार प्राप्त गरेका छन् भने एक जना उपभोक्ताले १० लाख रुपैयाँको बम्पर उपहार जितेका छन्।
बम्पर उपहारतर्फ गणेश इलेक्ट्रोनिक्स एण्ड मोबाइल सेन्टरबाट ३५० रुपैयाँको सामान खरिद गरेका एक उपभोक्ता विजेता बनेका हुन्।
सामान्य मूल्यको सामान खरिद गरेका ती उपभोक्ताले करदाता प्रोत्साहन कार्यक्रमअन्तर्गत १० लाख रुपैयाँको बम्पर उपहार हात पारेका हुन्।
कर प्रणालीमा उपभोक्ताको सहभागिता बढाउने, व्यवसायीलाई करसम्बन्धी दायित्व पूरा गर्न प्रोत्साहित गर्ने तथा खरिद गर्दा अनिवार्य रूपमा बिल लिने बानीको विकास गर्ने उद्देश्यले करदाता प्रोत्साहन कार्यक्रम सञ्चालन हुँदै आएको छ।
कार्यक्रमअन्तर्गत उपभोक्ताले खरिद गरेको सामान वा सेवाको आधिकारिक बिलमार्फत पुरस्कारका लागि सहभागी हुने अवसर पाउँछन्। यसले उपभोक्तालाई बिल लिन प्रोत्साहित गर्नुका साथै व्यवसायीलाई पनि कारोबारको सही विवरण राख्न उत्प्रेरित गर्ने अपेक्षा अर्थमन्त्रालयले गरेको छ ।
प्रतिक्रिया