बुटवल । बुटवल स्थित कोरोना बिशेष अस्पतालमा उपचाररत बुटवल ७ का एकजना कोरोना संक्रमितको मृत्यु भएको छ । गत कार्तिक २६ गते देखि उपचाररत बुटवल उपमहानगरपालिका ७ का ४० वर्षीय पुरुषको आज बिहान ८ः३० बजे मृत्यु भएको हो ।
कार्तिक २६ गते स्वास्थ्यमा समस्या आएपछि लुम्बिनी प्रदेशिक अस्पताल पुगेका उनीमा सोही दिन कोरोना संक्रमण पुष्टि भएको थियो । संक्रमण पुष्टि भएकै दिनबाट कोरोना बिशेष अस्पतालमा भर्ना भई उपचाररत उनको बिहान ८ः३० बजे मृत्यु भएको लुम्बिनी प्रादेशिक अस्पतालका प्रवक्ता डा. विष्णु गौतमले जानकारी दिए ।
मृतकमा कोरोना भाइरसको गम्भीर संक्रमण सहित अत्याधिक मोटोपनाको समस्या पनि रहेको अस्पतालले जनाएको छ ।
आज मृत्यु भएसँगै रुपन्देहीमा कोरोना संक्रमणबाट मृत्यु हुनेको संख्या ८९ पुगेको छ ।
प्रतिक्रिया