भारतको उत्तरप्रदेशमा बिहेबाट फर्किँदै गरेको जीप दुर्घटना, १४ जनाको मृत्यु

खबर कुरा
५ मंसिर २०७७, शुक्रबार

एजेन्सी । भारतको उत्तर प्रदेशको प्रतापगढमा सवारी दुर्घटना हुँदा १४ जनाको मृत्यु भएको छ । प्रयागराज-लखनऊ राजमार्गमा जिप र ट्रक ठोक्किँदा ६ बालबालिकासहित १४ जनाको मृत्यु भएको हो ।

विवाह समारोहमा सहभागी भएर आफ्नो गाउँ फर्किन लागेकाहरु सवार बोलेरो जिप रोकिराखेको एक ट्रकमा पछाडिबाट ठोक्किएर दुर्घटना भएको भारतीय सञ्चार माध्यमले जनाएका छन ।

चालक निदाएका कारण दुर्घटना भएको अनुमान स्थानीय प्रहरी अधिकारीले गरेका छन् । टायर पञ्चर भएका कारण उक्त ट्रक सडक किनारमा रोकिएको थियो ।

दुर्घटना यति भयानक थियो कि जिपलाई काटेर शवहरु बाहिर निकाल्नु परेको थियो । प्रहरीका अनुसार मृतकहरुमध्ये १२ जना कुँडा कोतवालीको चौंसा जिरगापुर गाउँका हुन् ।

दुर्घटनाप्रति उत्तर प्रदेशका मुख्यमन्त्री योगी आदित्यनाथले दुःख व्यक्त गर्दै घाइतेहरुको उद्धार तथा उपचारमा खटिन अधिकारीहरुलाई निर्देशन दिएका छन् ।

यसमा तपाइको मत

Your email address will not be published. Required fields are marked *


*