काठमाडौं । सरकारले एशियाकै सबैभन्दा भ्रष्ट सरकार भन्दै ट्रान्सपरेन्सी इन्टरनेसनलले हालै जारी गरेको प्रतिवेदनलाई खारेज गरेको छ ।
नियमित पत्रबार सम्मेलनमा सरकारका प्रवक्ता संचारमन्त्री पार्वत गुरुङले ट्रान्सपरेन्सी आधाहीन, तथ्यनहीन, खोज अनुसन्धान नगरी आएको भन्दै त्यसलाई सरकारले खारेज गरेको जनाएका हुन् ।
मन्त्री गुरुङले सो प्रतिवेदन सत्तारुढ दललाई बदनाम गराउने मनोगत उद्देश्यले आएको दाबी गरे ।
जम्मा एक हजार मान्छेसँग फोनमा गरिएको सर्वेक्षणका आधारमा नेपालमा भ्रष्टाचार बढेको आरोप लगाइएको भन्दै गुरुङले ३ करोड जनसंख्या भएको मुलुकमा १ हजार स्याम्पर हुन नसक्ने जिकिर गरे ।
उनले विश्व सूचकांकमा नेपालको प्रगति भैरहेको बताउँदै ट्रान्सपरेन्सी इन्टरनेसनल नेपालका रहेका व्यक्तिहरू राजनीतिक रहेको टिप्पणी गरे ।
सरकार विरुद्ध मिसनको रुपमा प्रतिवेदन तयार पारिएको जिकिर गर्दै उनले राजनीतिक पूर्वाग्रहबाट तयार पारिएको प्रतिवेदनलाई स्वीकार गर्न नसकिने स्पष्ट पारे ।
उनले भने, ‘ट्रान्सपरेन्सी इन्टरनेसनल नेपालका प्रमुख चिनिएको राजनीतिक व्यक्ति हुन् । त्यसैले यो प्रतिवेदनलाई खारेज गरिएको हो ।’
प्रतिक्रिया