भेरी अस्पताल नेपालगन्जमा उपचाररत दाङका थप १ जना कोरोना संक्रमितको मृत्यु

नेपालगन्ज । भेरी अस्पताल नेपालगन्जमा उपचाररत दाङका थप १ जना कोरोना संक्रमितको मृत्यु भएको छ । दाङ तुलसीपुर उपमहानगरपालिका-६का ५६ वर्षीय पुरुषको आज बिहान ४ः५० बजे मृत्यु भएको कोभिड-१९ संकट ब्यवस्थापन केन्द्र(डीसीसीएमसी) बाँकेले जनाएको छ ।

स्वास्थ्यमा समस्या देखिएपछि मंसिर ६ गते नेपालगन्ज मेडिकल कलेज कोहलपुर भर्ना भएकोमा कोरोनाको आशंकामा पीसीआर परीक्षण गराउंदा उनीमा मंसिर ७ गते कोरोना संक्रमण पुष्टि भएको थियो । कोरोना पुष्टि भएपछि थप उपचारका लागि ७ गते नै उनलाई भेरी अस्पताल नेपालगन्जको काइसोलेसन वार्डमा भर्ना गरिएको थियो । उपचारका क्रममा अक्सिजन, एन्टिबायोटिक, प्लाज्मा र रेडमिसिविर सहितको बिधि अपनाउंदा पनि बिहान मृत्यु भएको डीसीसीएमसी बाँकेका कोरोना फोकलपर्शन नरेश श्रेष्ठले जानकारी दिए ।

आज मृत्यु भएसँगै बाहिरि जिल्लाबाट उपचारका लागि बाँके पुगेका मध्य आज सम्ममा ५२ जना कोरोना संक्रमितको मृत्यु भएको छ ।