बर्दियामा कार दुर्घटना, २ जनाको मृत्यु,३ जना घाइते

बर्दिया । बर्दियामा भएको कार दुर्घटनामा परी २ जनाको मृत्यु भएको छ भने अन्य ३ जना घाइते भएका छन ।

बर्दियाको गुलरिया बाट ढोढरी तर्फ जादै गरेको बा १६ च २४५३ नम्वरको कार मधुवन नगरपालिका -४ माचड चोक देखि करिब १ सय मिटर पुर्व तर्फ अनियन्त्रीत भई पल्टिदा २ जनाको उपचारका क्रममा मृत्यु भएको हो ।

दुर्घटनाबाट कारमा सवार गुलरिया नगरपालिका —४ निवासी २४ वर्षिय सुरेन्द्र गोडिया र भिमदत्त नगरपालिका -६ का १८ वर्षिय निधि सुनार गम्भिर घाइते भएकमा जिल्ला अस्पताल गुलरियामा उपचारकै क्रममा दुवैको मृत्यु भएको जिल्ला प्रहरी कार्यालय बर्दियाले जनाएको छ । कार दुर्घटनामा परी घाइते भएका मनोज गोडिया , राधिका सुनार र कमला सुनारलाई जिल्ला अस्पतालमा प्राथमिक उपचार गरि थप उपचारको लागी नेपालगञ्ज रेफर गरिएको छ ।

तिब्र गतिका कारण दुर्घटना भएको प्रहरीले अनुमान गरेको छ ।