बुटवल । बुटवलको सुख्खानगरमा गैडाको खाग तस्कर र प्रहरीका बीच पेस्तोल खोसाखोस हुँदा पेस्तोल पड्केर एकजना खाग तस्कर घाईते भएका छन् ।
सुख्खानगरस्थित कलश होटलमा खाग सहित तस्करहरु बसेको सुचनाका आधारमा शादा पोशाकका प्रहरी पुग्दा तस्करहरुले प्रहरीको पेस्तोल खोस्नेक्रममा पेस्तोल पड्केर एकजना घाईते भएको प्रहरीले जनाएको छ ।
प्रहरीको पेस्तोलको गोली लागेर तस्कर समूहका काठमाडौं बसन्तपुरका राकेश न्यौपाने घाईते भएका छन् । उनको यूनिभर्सल मेडिकल कलेज भैरहवामा उपचार भइरहेको छ ।
प्रहरीले अन्य २ जनालाई पक्राउ गरेको छ । तस्कर समूहका १ जना फरार भएको प्रहरीले जनाएको छ । पक्राउ परेकाहरुमा भक्तबहादुर थापा र कर्णबहदुर रावत रहेका छन् । सुर्खेतमा कर्णबहादुर रावत छन् भने भक्त बहादुर थापाको ठेगाना खुलेको छैन । उनीहरुबाट प्रहरीले गैडाको खाग बरामद गरेको छ । प्रहरीका अनुसार घटनामा संलग्न एक जना फरार रहेका छन् ।
चितवनमा लगातार गैडा मारिने क्रम बढेपछि प्रहरीले गैडाको खाग तस्कर गर्ने समूहको पहिचान गरि खोजिकार्यलाई तिब्र बनाएको थियो ।
प्रतिक्रिया