बुटवल । संयुक्त भूतपूर्व सैनिक एवं प्रहरी कल्याणकारी महासंघ नेपालले सरकारले आफुहरुलाइ सामाजिक सुरक्षा भत्ताबाट बञ्चित गराएर केहि समय अनागरिकलाइ जस्तो ब्यबहार गरेको भन्दै गुनासो गरेका छन् ।
उनीहरुले नेपाललाइ बिश्व सामु चिनाउने काम सगरमाथा,गौतबबुद्ध र बीर गोर्खालीले नै गरको भन्दै सरकारले आफुहरुको केहिसमय अबमुल्यन गरेको आरोप लगाए ।
सरकारद्धारा हतार, अपरिपक्क र सुनियोजित तरिकाले भारतीय र बृटिस सेनाबाट अवकाश भु।पु सैनिकलाई लक्षित गरी २०७७ आषाढ १७ गते मन्त्रीमण्डलको निर्णयले सामाजिक सुरक्षा भक्ताबाट बञ्चित गराई अनागरिक र विदेशी सैनिकसरह गणना गर्ने कुचेष्टा गरेको सह अध्यक्ष क्याप्टेन किसन बहादुर थापाले बताए ।
महासंघले बुधबार बुटवलमा पत्रकार सम्मेलन गरेर भूपूहरुले आन्दोलन चर्काएपछि सरकारले अहिले निर्णय सच्चाएको थापाले बताए ।
बीर गोर्खा भन्ने शब्द भोलीका दिनमा के हुने हो भन्ने चिन्ताले सताई रहेको हुदा महासंघ लगातार हक अधिकार र पहिचानको लागि संघर्षमा रहेको महासचिब सुबेदार कुलबहादुर केसीले बताए ।
नेपालमा बसोबास गर्ने भारतीय, बृटिस र नेपाली सेना, पुलिस र अन्य सुरक्षा निकायवाट अवकास प्राप्त भु।पु। सैनिकले कमाएको ईमान्दारी र बहादुरीको कारण नेपालको शिक्षा तथा बहादुर चम्किएको उनीहरुको दाबि छ ।
महासंघको संघर्षलाई सकारात्मक लिएर सरकारले पुरानो निर्णयलाई सच्चाउदै २०७७ मंसिर २१ गते राष्ट्रपतिबाट नयाँ अध्यादेश जारी भएकोमा उनीहरुले सरकारलाई धन्यवाद दिएका छन् ।
अब उपरान्त भूपूहरुको ईतिहास पहिचान र मनमा आँच आउने खालका कुनै पनि कानुन बनाउनु पूर्व सल्लाह लिनका लागि महासंघले आग्रह गरेको छ । कार्यक्रममा प्रदेश इन्चार्ज कोष बहादुर गुरुङ, दल बहादुर छन्तेल लगायतले बोलेका थिए ।
प्रतिक्रिया