अमेरिकामा कोरोनाविरुद्धको खोप सोमबारदेखी लगाउन शुरु गरिने

एजेन्सी । अमेरिकामा फाइजर र बायोएनटेकले विकास गरेको कोरोनाविरुद्धको खोप सोमबारबाट लगाउन शुरु गरिने भएको छ ।

खोपको पहिलो ३० लाख डोज उपलब्ध भइसकेको अमेरिकी अधिकारीहरुले बताएका छन । ती खोप सबै राज्यमा उपलब्ध हुने र प्राथमिकताका आधारमा दिइने छ ।

यो खोप कोरोनाभाइरस विरुद्ध ९५ प्रतिशत प्रभावकारी भएको भन्दै अमेरिकी नियामक संस्था फुड एन्ड ड्रग एडमिनिस्ट्रेसन ९एफडीए० ले सुरक्षित भएको जनाएको छ ।

कोरोना महामारीको संकटबीच यो खोपले स्वीकृति पाउनुलाई निकै महत्वका साथ हेरिएको छ । यो खोपलाई स्वीकृति दिनका लागि दवाब परिरहेको बेला गत शुक्रबार एफडीएले अमेरिकामा आपतकालीन प्रयोगका लागि अनुमति दिएको थियो ।

जाडो शुरु भएसँगै अमेरिकामा कोरोना भाइरसको संक्रमण बढेको छ । शनिबार मात्र अमेरिकामा दुई लाख १५ हजार नयाँ संक्रमित थपिएका छन् । दुई हजार २८६ जनाको मृत्यु भएको छ ।

अमेरिकामा सक्रिय संक्रमितको संख्या करीब ६६ लाख पुगिसकेका छन् । मृतकको संख्या तीन लाख पाँच हजार पुगेको बिबिसीले जनाएको छ ।