कोरोना अपडेट : ७८२ संक्रमित, १६ जनाको मृत्यु, १०२९ संक्रमणमुक्त

काठमाडौं । नेपालमा पछिल्लो २४ घण्टामा थप ७८२ जना व्यक्तिमा कोरोना भाइरस संक्रमण देखिएको छ ।

स्वास्थ्य तथा जनसंख्या मन्त्रालयले शुक्रबार अपरान्ह अपडेट गरेको पछिल्लो तथ्यांक अनुसार ५ हजा ७०६ जनाको पीसीआर परीक्षण गर्दा ७८२ जनामा संक्रमण पुष्टि भएको हो । संक्रमितमध्ये ४७७ जना पुरुष र ३०५ जना महिला छन् ।

यससँगै नेपालमा हालसम्म कोरोना भाइरस संक्रमितको कुल संख्या २ लाख ५२ हजार ४७४ पुगेको छ ।

मन्त्रालयका अनुसार पछिल्लो २४ घण्टामा भाइरसको संक्रमणबाट मुक्त हुनेको संख्या १ हजार २९ रहेको छ । हालसम्म संख्या २ लाख ४१ हजार ३९२ जना संक्रमणमुक्त भएका छन् ।

भाइरसका सक्रिय संक्रमितको संख्या ९ हजार ३१७ रहेको छ ।

मन्त्रालयका अनुसार पछिल्लो २४ घण्टामा १६ जना कोरोना संक्रमितको मृत्यु भएको छ । यससँगै हालसम्म मृत्यु हुनेको संख्या १ हजार ७६५ पुगेको छ ।