बलेवा । बागलुङ नगरपालिका-१३ पैयुँपाटाको जलजला भन्ने ठाउँमा मृतावस्थामा चितुवा भेटिएको छ । वयस्क भाले चितुवा आज जलजलाको खरबारीमा मृत भेटिएको डिभिजन वन कार्यालय बागलुङका प्रमुख मुकुन्द अधिकारीले बताए ।
‘बिहान स्थानीयवासीले खबर गर्नुभयो, खरबारीमा मृत चितुवा उहाँहरूले देख्नुभएको रहेछ’, अधिकारीले भने, ‘वन कार्यालयको टोलीले मृत चितुवा उठाएर ल्यायो ।’ के कारणले चितुवा मर्यो भन्न नसकिएको उनले बताए ।
चितुवाका शरीरमा कुनै चोटपटक छैन । मृत्युको कारण पत्ता लगाउन शवपरीक्षण गरिएको र रिपोर्ट आउन बाँकी छ । रासस
प्रतिक्रिया