बारा । महेन्द्र राजमार्ग अन्र्तगत बाराको पथलैया-अलेखगञ्ज सडकखण्डमा जीपको ठक्करले एक पाटे बाघको मृत्यु भएको छ ।
पथलैया-अलेखगञ्ज सडकखण्डको आधाभार भन्ने स्थानमा जीपको ठक्करबाट पाटे बाघको ज्यान गएको हो ।
बा १६ च ८११ नम्बरको जीपको ठक्करले गम्भीर घाइते भएको पोथी बाघको टाउकोमा गहिरो चोट लागेका कारण बचाउन नसकिएको पर्सा राष्ट्रिय निकुञ्जका प्रमुख एवं संरक्षण अधिकृत मनोज साहले बताए ।
यो घटना आज बिहान करिब ७ बजे भएको हो । ठक्कर दिने जीप र चालक निकुञ्जको नियन्त्रणमा रहेको र आवश्यक अनुसन्धान गरिने निकुञ्ज कार्यालयले जनाएको छ ।
प्रतिक्रिया