काठमाडौ । नेपाल इन्फ्रास्ट्रक्चर बैंकले माघ २ गतेदेखि हालसम्मकै ठूलो आईपीओ निष्काशन गर्ने भएको छ । बैंकले माघ २ गतेदेखि सर्वसाधारणका लागि आईपीओ निष्काशन भएको हो । यो हालसम्मको ठूलो आईपीओ हो।
बैंकले जारी पूँजी २० अर्बको ४० प्रतिशतले हुन आउने ८ अर्ब रुपैयाँ बराबरको प्रतिकित्ता १०० अंकित मूल्यका ८ करोड कित्ता साधारण शेयर निष्काशन गर्न लागेको हो।
निष्काशन गर्न लागेको कुल शेयरमध्ये ०.२० प्रतिशत अर्थात १ लाख ६० हजार कित्ता शेयर कर्मचारीहरुका लागि बाँडिने भने ५ प्रतिशत अर्थात ४० लाख कित्ता शेयर सामूहिक लगानी कोषका लागि बाँडफाँड गरिनेछ । यस्तै बाँकी ७ करोड ५८ लाख ४० हजार कित्ताका सर्वसाधारण लगानीकर्ताले आवेदन दिने सक्नेछन् ।
बैंकको शेयर निष्काशन तथा बिक्री प्रबन्धक एनआईबिएल एस क्यापिटल लिमिटेड रहेको छ। लगानीकर्ताहरुले नेपाल धितोपत्र बोर्डबाट स्वीकृती प्राप्त गरेका सम्पूर्ण आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालयबाट आवेदन दिन सकिनेछ।
हाल बैंकको चुक्ता पूँजी १२ अर्ब रुपैयाँ रहेको छ। ८ अर्ब रुपैयाँबराबरको आईपीओ बाँडफाँटपश्चात बैंकको चुक्ता पूँजी २० अर्ब पुग्नेछ।
प्रतिक्रिया