बुटवल । बुटवल उपमहानगरपालिका वडा नं ११ स्थित प्रगति माविको भौतिक र शैक्षिक प्रगतिका लागि भन्दै आयोजना गरिएको महायज्ञको हिसाब किताब शुक्रबार पत्रकार सम्मेलन गरि विद्यालय ब्यवस्थापन समितिलाई हस्तान्तरण गरिएको छ ।
महायज्ञ मुलसमितिका अध्यक्ष जित बहादुर मल्लले विद्यालय ब्यवस्थापन समितिका अध्यक्ष नारायण सारु, सचिव तथा विद्यालयका प्रअ शिव कुमारी अर्यालले आयब्याय हस्तान्तरण गरेका हुन । विद्यालयलाई स्तर बढाउने योजना अनुसार गरिएको महायज्ञबाट धेरै काम भएको उनको दाबी छ ।
बिस २०७५ बैशाख १ देखि २९ गतेसम्म भएको महायज्ञमा दानबिरहरुले नगद, जिन्सी गरि १ करोड ५४ लाख १६ हजार ३ सय ५१ रुपैया प्रतिवद्घता गरेकोमध्ये ३६ लाख ५२ हजार २ सय २४ खर्च भएको उनले बताए ।
प्रतिवद्घता जनाए अनुसार ५७ लाख ९२ हजार ५ सय ५१ रुपैया उठ्न बाकि रहेको छ । बढिमा ५ लाख ७५ हजारसम्म कबोल गरेको उनले बताए । महायज्ञबाट उठेको रकम २२ लाख ११ हजार १ सय ३३ रुपैया विद्यालयलाई प्रदान गरि शिक्षक, कर्मचारीको तलब ब्यवस्थापन गरिएको उनले बताए ।
विद्यालयमा ३ जना करार, ३ जना स्थाई, ४ जना राहत, ४ जना बालबिकास, १ जना मावि लगायत गरि १८ जना शिक्षक कर्मचारी र साढे ५ सय जना विद्यार्थीहरु अध्ययरत छन ।
वडाका जनप्रतिनिधि माया दर्नालले विद्यालयको स्तरस्नोत्तीका लागि पहल गरेको बताईन ।
प्रतिक्रिया