काठमाडौं । हिउँदे सिजनमा विश्वको दास्रो सर्वोच्च शिखर ‘माउन्ट केटु’ को सफल आरोहण गरेर विश्वकीर्तिमान कायम गरेका नेपाली पर्वतारोहीलाई पाकिस्तानका राष्ट्रपतिले बधाई दिएका छन् ।
राजधानी इस्लामावादस्थित राष्ट्रपति कार्यालय परिसरमा राष्ट्रपति अरिफ अल्झिले नेपाली पर्वतारोहीलाई भेट गरेरै बधाई दिएका हुन् ।
पाकिस्तानी राष्ट्रपति कार्यालय विदेशी देशका सर्वसाधारणको पहुँच हुँदैन । तर, पाकिस्तानी राष्ट्रपतिले नेपाली पर्वतारोहीसँग प्रत्यक्ष संवाद गरेका छन् ।
त्यसक्रममा राष्ट्रपति अल्भीले यस उपलब्धीले नेपाल र पाकिस्तानबीचको मित्रता हिमालय भन्दा उचो भएको भन्दै यस आरोहणले पाकिस्तानको सफ्ट इमेज र पर्यटनलाई प्रवद्र्धन गर्न मद्दत पुग्ने विश्वास व्यक्त गरेको राष्ट्रपति कार्यालयले ट्वीट गरेर जनाएको छ । अहिलेसम्म कसैले आँट गर्न नसकेको हिउँदे सिजनमा माउन्ट केटुको आरोहण गरेर नेपाल र पाकिस्तान दुवै देशको शीर उच्च बनाएको पनि राष्ट्रपति अल्भीले बताएका छन् ।
A ten-member Nepalese K-2 Winter Expedition team called on President Dr. Arif Alvi, at Aiwan-e-Sadr, today. While welcoming the Nepalese mountaineers, the President said that their remarkable achievement would project Pakistan’s soft image as well as boost tourism in the country. pic.twitter.com/jPgIw3lOmK
— The President of Pakistan (@PresOfPakistan) January 21, 2021
त्यसक्रममा केही दिनअघि मात्र ओहोदाको प्रमाणपत्र बुझाएका पाकिस्तानका लागि नेपाली राजदूत तपस अधिकारीको पनि उपस्थिति रहेको थियो ।
८ हजार ६११ मिटर अग्लो माउन्ट केटुमा अहिलेसम्म कुनै पनि आरोहीले हिउँदे सिजनमा आरोहण गर्ने आँट समेत गरेका थिएनन् । तर, केही दिन अघि नेपालका १० आरोहीले यो हिमालको सफल आरोहण गरेर विश्व कीर्तिमान कायम राखेका छन् । आरोहीमध्ये निर्मल पूर्जाले त विना अक्सिजन आरोहण सफल बनाएका हुन् ।
प्रतिक्रिया