प्रधानमन्त्री ओली विरुद्ध सर्वोच्च अदालतमा अवहेलना मुद्दा दर्ता

काठमाडौं । अदालतमा विचाराधीन मुद्दालाई प्रधावित पार्न खोजेको आरोप लगाउँदै प्रधानमन्त्री केपी शर्मा ओलीविरुद्ध सर्वोच्च अदालतमा अवहेलना मुद्दा दर्ता भएको छ ।

प्रधानमन्त्री ओली विरुद्ध मंगलबार सर्वोच्चमा मुद्दा दर्ता भएको हो । कानुन व्यवसायीहरुलाई मानमर्दन र अपमान गरेको एवं अदालतमा विचाराधीन मुद्दालाई प्रभावित पार्न खोजेको भन्दै मुद्दा दर्ता भएको हो ।

वरिष्ठ अधिवक्ता कुमार शर्मा र अर्का अधिवक्ता कञ्चनकुमार न्यौपानेले पेस गरेका निवेदन गरेकोमा मंगलबार दर्ता भएको हो ।

यही माघ ९ गते कार्की व्यांक्वेटमा आयोजित कार्यकर्ता भेलामा ओलीले कानुन व्यवसायीहरुमाथि व्यक्तिगत आक्षेप लाग्ने शैलीमा टिकाटिप्पणी गरेका थिए । ओलीले ९४ वर्षीय वरिष्ठ अधिवक्ता कृष्णप्रसाद भण्डारीमाथि बाजे शब्दको प्रयोग गर्दै वकिलहरुले सर्वोच्च अदालतमा तमासा देखाइरहेको बताएका थिए ।