१६ चैत्र २०८०, शुक्रबार | March 29, 2024

सम्पत्ति हत्याउन आफ्नै परिवारबाट छोराको हत्या, हत्यामा संलग्न ६ जना पक्राउ



भैरहवा । सम्पत्ति दिनुपर्ने भएपछि रुपन्देहीमा आफ्नै परिवारले छोराको हत्या गरेको खुलेको छ ।

रुपन्देहीको सियारी गाँउपालिका २ बेथरीमा बस्दै आएका राजेन्द्र प्रसाद यादवलाई आफ्नै परिवारका सदस्यहरुले हत्या गरेको अनुसन्धानबाट खुल्न आएको रुपन्देही प्रहरीले जनाएको छ ।

यादवको शव ०७७ माघ ६ गते रुपन्देहीको मायादेवी गाँउपालिका ७ गरगट्टीमा जलेर मृत अवस्थामा फेला परेको थियो ।

घटनाबारे जानकारी पाएपछि अनुसन्धान गर्दै जाँदा आफ्नै परिवारका सदस्यले योजनाबद्ध तरिकाले यादवको हत्या गरेको खुल्न आएको प्रहरीले बताएको छ ।

रुपन्देहीका प्रहरी प्रमुख प्रहरी उपरीक्षक एसपी प्रवीण पोखरेलका अनुसार ३४ वर्षीय यादवलाई सम्पत्ति दिनुपर्ने भएपछि २५ लाख रुपैया दिने सर्तमा आफ्नै कान्छो बुबा लगाएतका परिवारका सदस्यहरुको सहमतिमा हत्या गरेको खुल्न आएका हो ।

यादवलाई मदिरा खुवाउने निहुँमा मदिरामा सिलिपिङ ट्याव्लेट खुवाएर बेहोस गराएको र अन्त्यमा हत्या गरी आगो लगाएको प्रहरी प्रमुख पोखरेलको भनाइ छ ।

मृतक यादवका बुवा रामशुभग यादवको ३२ वर्ष अगाडि सर्पले टोकेर मृत्यु भएको तथा मृत्यु पश्चात आफ्नी आमाले कान्छो बुवा (काका) रामवेलास यादवसँग विवाह गरी बसेकी थिइन् । उनी १५ १६ वर्षको उमेरमा भारतको मुम्बईमा गएको र झण्डै १५ वर्ष त्यही बसेको प्रहरी जनाएको छ ।

यादवको नेपाल आएर अंश माग्न लागेपछि उनको हत्याको योजना बनेको थियो । ।उक्त कुरा थाहा पाएपछि मृतक यादव घरपरिवारबाट छुटेर डेरामा बस्दै आएका थिए ।

परिवारसँग अंश माग्दा सहजै अंश नपाएपछि उनले जिल्ला अदालत रुपन्देहीमा ०७६ मा अंश मुद्दा हालेका थिए । उनले हालेका मुद्धामा जिल्ला अदालतले तीन कित्ता वापत २९ कठ्ठा जग्गा पाउने गरी मिलापत्र गराएको थियो । उनले पाउने जग्गालाई कसै गरी नदिने योजना अनुसार परिवारकै सहमतिमा उनको योजनाबद्ध हत्या भएको प्रहरी निष्कर्ष छ ।

प्रहरीले घटनामा संलग्न भएका मृतक यादवका कान्छो बुबा रामवेलास यादव, मुख्य योजनाकार बुद्धिराम कोहार, मृतकका भाई बिरेन्द्र यादव, कवुल लिने सन्तकुमार यादव, सहयोगी राकेश यादव, अफताव मुसलवानलाई पक्राउ गरेको छ । घटनामा संलग्न मध्यस्तकर्ता लङ्गारे भन्ने इन्द्रजित यादव र मुख्य व्यक्ति सोनु मुराउ फरार रहेको प्रहरीको भनाइ छ ।

उनका कान्छो बुबाले उनलाई मार्नका लागि मान्छे मारेपश्चात पाउने गरी २५ लाख रकम वा १ कठ्ठा जग्गा दिने कबुल गरेको बुझिएको छ ।

यादवको हत्याका लागि बुद्धिराम कोहारले एकपटक बीस हजार र अर्को पटक ५० हजार राम वेलाससँग लिएको खुलेको छ ।

प्रकाशित मिति : १४ माघ २०७७, बुधबार  ६ : ०५ बजे

आयरल्याण्ड वोल्भ्सले नेपाल ‘ए’ लाई दियो २२३ रनको लक्ष्य

काठमाडौं । आयरल्याण्ड वोल्भ्सले नेपाल ‘ए’ लाई २२३ रनको लक्ष्य

आगामी नीति तथा कार्यक्रम र बजेट जनमुखी हुन्छ : प्रधानमन्त्री प्रचण्ड

हेटौंडा । प्रधानमन्त्री पुष्पकमल दाहाल ‘प्रचण्ड’ले आगामी आर्थिक वर्षको नीति

कोहलपुर–सुर्खेत प्रसारण लाइनः रूख कटान प्रक्रिया सुरु

सुर्खेत । कर्णालीको विद्युतीकरणका लागि क्रान्ति ल्याउने उद्देश्यले निर्माण कार्य

दुर्गा प्रसाईंको हतियारको इजाजतपत्र र नवीकरण बारे छानबिन गर्न समिति गठन

काठमाडौँ । गृहमन्त्रालयले  दुर्गा प्रसाईंको नाममा रहेको हतियारको इजाजतपत्र र

जलवायु परिवर्तनको सबैभन्दा बढी असर जलस्रोतमा परेको छ : मन्त्री बस्नेत

काठमाडौं । ऊर्जा जलस्रोत तथा सिँचाइमन्त्री शक्तिबहादुर बस्नेतले जलवायु परिवर्तनको