बलात्कारपछि हत्या गरिएकी भागिरथीको १७ दिनपछि अन्तिम संस्कार गरिँदै

खबर कुरा
७ फाल्गुन २०७७, शुक्रबार

बैतडी । बैतडीकी किशोरी भागिरथी भट्टको हत्यामा संलग्न किशोरले बलात्कार कबोल गरेपछि बलात्कारपछि हत्या गरिएकी भागिरथीको हत्या भएको १७ दिन पछि अन्तिम संस्कार हुने भएको छ । यस अघि घटनाको पूर्ण अनुसन्धान नहुँदा सम्म शव बुझ्न अस्विकार गरेका थिए । हत्या गरेको स्विकार गरेका किशोरले बलात्कार नगरेको बयान दिएपछि परिवारबाट अनुसन्धानमा आशंका गरेका थिए ।

बैतडीको दोगडाकेदार गाउँपालिका–७ चडेपानीकी १७ वर्षीया भागरथी भट्टको मृत्यु भएको १७ औँ दिनमा दाहसंस्कार गर्न लागिएको हो ।

शव परिक्षणमा बलात्कार भएको देखिएपनि हत्या स्विकार गरेका किशोरले बलात्कार अस्विकार गरेपछि घटना अर्को तर्फ मोडिन खोजेको थियो । तर प्रहरी र किशोरका आफन्तहरुसँग समेत ती किशोरले बलात्कार गरेको कबुल गरेपछि भागिरथीका परिवारले शव बुझेका थिए ।

बिहीबार आरोपित किशोरका बाबु, अनुसन्धान अधिकृत र सरकारी वकिल सामु गर्न लगाएको बयानमा उनले आरोपित किशोरले आफूले नै बलात्कारपछि हत्या गरेको स्वीकारेका थिए ।

भागिरथीका परिवारका सदस्यहरुका अनुसार गोठलापानीबाट बिहान ११ बजे शवयात्रा सुरु हुने सेरास्थित महाकाली आर्यघाटमा अन्तिम संस्कार गरिने भएको छ ।

यसमा तपाइको मत

Your email address will not be published. Required fields are marked *


*