चितुवा मारेर छाला बेच्ने समूह बाँके प्रहरीको नियन्त्रणमा, १० लाख अबैध भारु सहित थप १ जना पक्राउ

नेपालगञ्ज । बाँके प्रहरीले चितुवाको प्रतिबन्धित छालासहित तीन जनालाई पक्राउ गरेको छ । पूर्व पश्चिम राजमार्गको राप्तीसोनारी गाउँपालिका १, कुसुमबाट दुई थान चितुवाको छालासहित तीन जनालाई पक्राउ गरेको हो ।

पक्राउ पर्नेमा सल्यानका जीतबहादुर डिसी, हिमेन्द्र वली र कमल डिसी रहेका छन् । बाँके प्रहरी प्रमुख प्रहरी उपरिक्षक ओमबहादुर रानाका अनुसार दुई थान चितुवाको छालासहित उनीहरुलाई पक्राउ गरिएको हो । जीतबहादुरले दुई वर्षअघि पासोमा पारेर चितुवालाई मारेका थिए । उक्त छाला नेपालगञ्जमा बेच्न आउदा उनी सहित अन्य २ जनापनि पक्राउ परेको प्रहरी उपरिक्षक रानाले बताए ।

बाँके प्रहरीले दश लाख रुपैया भारुसहित एकजना भारतीय नागरिकलाई पनि पक्राउ गरेको छ । भारतबाट हिड्दै नेपालगञ्ज आउदै गरेका दिल्ली जफ्फारावादका मुनवर खानलाई प्रहरीले दश लाख भारुसहित पक्राउ गरेको हो । खान नेपालमा पितलको धुलो खरिद गर्न आएको बुझिएको छ ।