काठमाडौं । सर्वोच्च अदालतले प्रतिनिधिसभा विघटन बदर गरेपछि नेपाल कम्युनिष्ट पार्टी (नेकपा) प्रचण्ड-नेपाल पक्षले आज संसदीय दलको बैठक डाकेको छ ।
प्रतिनिधिसभा विघटन पछिको अवस्थालाई रणनीति बनाउन बैठक डाकिएको सो पार्टीले जनाएको छ । आज अपराह्न ४ बजेका लागि संसदीय दलको बैठक डाकिएको पार्टीका प्रवक्ता नारायणकाजी श्रेष्ठले जानकारी दिए ।
पार्टीले प्रधानमन्त्री ओलीलाई पार्टीको साधारण सदस्य समेत नरहनेगरि निश्कासन गरिसकेको अवस्थामा संसदीय दलको भूमिका खोज्न बैठक बोलाईएको हो ।
प्रचण्ड-नेपाल पक्षले ओलीलाई पार्टी सदस्य सहित संसदीय नेताबाट हटाएर अर्का अध्यक्षमा माधव नेपाललाई तथा प्रचण्डलाई संसदीय दलको नेता चयन गरिसकेको छ ।
प्रतिनिधिसभा विघटन भएको अवस्थामा ओली समूहमा खुलेका केहि सांसदहरु पनि संसदीय दलको बैठकमा सहभागी हुने प्रचण्ड-नेपाल पक्षले अपेक्षा गरेको छ ।
प्रतिक्रिया