काठमाडौं । विश्व स्वास्थ्य संगठनले उपलब्ध गराउने कोरोना खोप योजना कोभ्याक्स सुविधाअन्तर्गतको ३ लाख ४८ हजार डोज खोप नेपाल आइपुगेको छ ।
कोभ्याक्स योजना कोरोना भाइरस विरुद्धको विश्वव्यापी लडाईं अन्तर्गत डब्लुएचओले विश्वमा सहजै खोप प्राप्त गर्न नसक्ने मुलुकहरुलाई उपलब्ध गराइएको छ ।
बेलायती राजदूत राजदूत निकोला पोलिटले नेपालमा कोभ्याक्स सुविधाको खोप भित्रिएको पुष्टि गरेकी छिन् । राजदूत पोलिटले ट्वीट गर्दै भनेकी छिन्, नेपालमा कोभ्याक्सको कोभिड खोप आइपुगेकोमा धेरै खुशी लागेको छ। बेलायत सरकारले खोपलाई नेपाली सम्म पुरयाउन सहयोग गर्दै छ। खोपको पहुँच सबै नेपालीलाई हुन जरुरी छ। बेलायतमा बनेको खोप भएकोले थप खुशी लागेको छ।
कोभ्याक्स सुविधानअन्तर्गत दक्षिण एशियामा नेपासहित बंगलादेश र श्रीलंकाले खोप पाउँदैछन् । डब्लुएचओले नेपालको कुल जनसंख्याको २० प्रतिशत नागरिकलाई पुग्ने खोप उपलब्ध गराउँदैछ । यसअन्तर्गत पहिलो खेप आइतबार आइपुगेको हो ।
नेपालमा कोभ्याक्सको कोभिड #COVID19 खोप आइपुगेकोमा धेरै खुशी लागेको छ। बेलायत सरकारले खोपलाई नेपाली सम्म पुरयाउन सहयोग गर्दै छ। खोपको पहुँच सबै नेपालीलाई हुन जरुरी छ। बेलायतमा बनेको खोप भएकोले थप खुशी लागेको छ। #COVAX #UKaid @UKinNepal @mohpnep pic.twitter.com/U5PvVs5oWg
— NicolaPollitt (@NicolaPollittUK) March 7, 2021
प्रतिक्रिया