मोरङ । मोरङको सुन्दरहरैँचा नगरपालिका-५ का एक युवकको शव तेलिया खोलामा फेला परेको छ ।
२५ वर्षीय सुरज चौधरीको शव तेलिया खोलामा फेला परेको प्रहरीले जनाएको छ ।
स्थानीय बासिन्दाले सुजरको शव पानीभित्र डुबिरहेको अवस्थामा देखेपछि आज बिहान साढे ६ बजेतिर प्रहरीलाई खवर गरेका थिए ।
भित्री कच्ची सडक खण्डको पक्की पुलबाट १० फिटजति तल रहेको खोलामा शव भेटिएको मोरङ प्रहरीका प्रवक्ता डीएसपी मानबहादुर राईले जानकारी दिए । घटनास्थलमा रहेको पुलमाथि भने एउटा मोटरसाइकल भेटिएको छ ।
पुलमा को ३७ प ७४४५ नम्बरको मोटरसाइकल र शव भने पुलमुनिको खोलामा भेटिएपछि प्रहरीले घटनालाई शङ्कास्पद मानि अनुसन्धान अघि बढाएको डीएसपी राईले बताए ।
प्रतिक्रिया