मोरङ । मोरङको पथरीशनिश्चरे-७ स्थित लामाटोलीमा एक युवतीको हत्या भएको छ । सोमबार राति करिब १० बजे १५ वर्षीय युवतीलाई धारिलो हतियार प्रहार गरी हत्या भएको प्रहरीले बताएको छ ।
आफन्तको घरमा बस्दै आएकी सन्जना भन्ने ज्ञानमति थुलुङ राईको हत्या भएको इलाका प्रहरी कार्यालय पथरीले जानकारी दिएको छ । राति करिब १० बजे ऐया भनेको आवाज आएपछि हेर्न पुग्दा घाँटीमा धारिलो हतियार प्रहार भएर लडेको अवस्थामा फेला परेको विनोद राईले बताए ।
मृतक राईको शव घर र शौचालयको बचमा रहेको प्रहरीले जनाएको छ ।
समाचार तयार पार्दासम्म घट्नाको अनुसन्धानको लागि कुकुर मगाउन पर्ने हुन सक्ने भएकोले शव नछोइकन घेरा गरेर राखिएको इलाका प्रहरी कार्यालय पथरीका प्रहरी निरीक्षक शुसिलकुमार पाण्डेले जानकारी दिए । घट्ना कस्ले र किन घटाएका खोजि सुरु भएको प्रहरीले जनाएको छ ।
प्रतिक्रिया