नेपालगञ्ज । बुहारीलाई जिउँदै जलाएर हत्या गर्न खोज्ने ससुरा ७ वर्ष पछि प्रहरी नियन्त्रणमा आएका छन् । सात वर्षअघि बुहारीलाई जिउँदै आगजनी गरी फरार भएका बाँके नरैनापुर २ का ७५ वर्षीय हनिफ शेष लाई बाँके प्रहरीले नियन्त्रणमा लिएको हो । दाईजोको निहुँमा आफ्नै बुहारीको शरिरमा मट्टीतेल छर्कि आगजनी गर्ने शेष ७ वर्ष देखि परार रहँदै आएका थिए ।
शेषलाई नरैनापुर १ सुईयाबाट ईलाका प्रहरी कार्यालय भगवानपुरको प्रहरी टोलिले पक्राउ गरेको जिल्ला प्रहरी कार्यालय बाँकेले जनाएको छ ।
२०७० चैत्र २ गते बाँके लक्ष्मणपुरकी २३ वर्षीया रिहाना शेष (ढपाली) को शरिरमा मट्टितेल छकिएर आगजनी गरीएको थियो । दाईजोको निहुँमा आफ्नी छोरीमाथि आगजनी गरीएको भन्दै रिहानाका बुवा मोहम्मद समिम शेषले जिल्ला प्रहरी कार्यालय बाँकेमा तत्काल उजुरी दर्ता गराएको भएपनि घटनामा संलग्न शेष सहित रिहानका श्रीमान फरिद शेष ढपाली र सासु सजहाद खाँ भने फरार रहँदै आएका थिए ।
रिहानाका श्रीमानले रिहानाका घरपरिवारसँग दाईजो वापत मोटरसाईकल र नगद माग गरेका थिए । उनिहरुको माग गरे अनुसार दाईजो नपाएपछि रिहाना सुतिरहेको स्थानमा मट्टितेल छर्कि आगो लगाईएको थियो ।
घटना भएको केहि दिन घटनालाई लुकाउँदै रिहनालाई उपचारको बहानामा भारतमा लगिएको थियो । भारतमा समान्य उपचार गराई रिहनालाई माईती पक्षलाई जिम्मा लगाएका थिए । ।िहनाले आफ्नी आमा सँग आफुलाई आगजनी गरेको बताएपछि उनको माईति पक्षले प्रहरीमा जाहेरी दिएका थिए । घटना बाहिर आएपछि रिहानालाई तत्काल भेरी अस्पताल नेपालगन्जमा भर्ना गरीएको थियो । नेपालगन्जमा उपचार सम्भव नभएपछि उनलाई थप उपचारकालागि काठमाण्डौ लगिएको थियो ।
।िहनाले प्रहरीलाई दिएको बयान अनुसार पति फरिद शेषले सुसुरा र सासुको सहयोगमा रिहानालाई मट्टीतेल छर्केर जिउँदै आगो लगाइदिएका थिए । विवाहमा मोटरसाइकल र भैँसी दाइजो नल्याएको निहुँमा उनीमाथि त्यस्तो दुर्व्यवहार गरिएको थियो । सासु, ससुरा समेतको उक्साहटमा रिहानालाई उनका पतिले जलाएका थिए । आगजनीबाट शरीरको तल्लो भाग पूरै जलेर सख्त घाइते रिहानाको पेटमा रहेको बच्चासमेत खेर गएको थियो । बिभिन्न संघसंस्थाको ६ महिना काठमाण्डौमा उनको उपचार भयो । उनी अहिले माईतमै बस्दै आएकी छन् ।
प्रतिक्रिया