बुटवल । सोमबार देखि रुपन्देहीमा सातौ मणिमुकुन्द रनिङशिल्ड अन्तर जिल्ला पुरुष भलिबल प्रतियोगिता शुरु भएको छ । मणिमुकुन्द भलिबल क्लबको आयोजनामा शंकरनगरस्थित मणिमुकुन्द भलिबल कोर्टमा प्रतियोगिता शुरु भएको हो ।
उद्घाटन खेलमा जिल्ला भलिबल संघ स्याङजाले जिल्ला भलिबल संघ पाल्पालाई २५–२१, २५–२३ को सोझो सेटमा पराजित गरेको हो । यसैगरि अर्को खेलमा जिल्ला भलिबल संघ बाग्लुङले जिल्ला भलिबल संघ बाकेलाई २५–२१, २५–१७ तथा जिल्ला भलिबल संघ रुपन्देहीले जिल्ला भलिबल संघ रोल्पालाई २५–१३, २५–१७ को सोझो सेटमा पराजित गरेका छन ।
प्रतियोगिताको एक समारोहका बिच प्रदेश नं. ५ का उद्योग, पर्यटन, वन तथा वातावरणमन्त्री लिला गिरीले उद्घाटन गर्दै नागरिकलाई अनुसासित गराउने, मानसिक र शारीरिक रुपमा स्वस्थ्य बनाउने तथा राष्ट्रलाई चिनाउने माध्यमको रुपमा खेलकुद रहेको बताउनुभयो । कार्यक्रममा नेपाल भलिबल संघका केन्द्रिय महासचिव जितेन्द्र बहादुर चन्द, रुपन्देही भलिबल संघका पुर्वअध्यक्ष तथा क्लबका सल्लाहकार विष्णुकुमार श्रेष्ठ, प्रतियोगिताको संयोजक सुरेन्द्र गुरुङ, वडा नं. ४ का वडाअध्यक्ष दिवाकर ढकाल, क्लबका निवर्तमान अध्यक्ष मिलन रानाले खेल विकासमा सरकारको लगानी जरुरी रहेको बताउनुभयो ।
यसैगरि कार्यक्रममा कोचहरु मिलन राना, अर्जुन घिमिरे, राजन कुवर, रोशन चन्द, राजन कुवरलाई सम्मान गरिएको थियो । भलिबल खेल र युवा खेलाडीहरुलाई प्लेटफर्म दिने उद्येश्यका साथ प्रतियोगिता आयोजना गरिएको क्लबका अध्यक्ष लोकेन्द्र कुमार भण्डारीले बताउनुभयो । प्रतियोगितामा गण्डकी र ५ नम्बर प्रदेशका १२ जिल्लाका उत्कृष्ट टिमहरुले सहभागिता जनाउने संयोजक सुरेन्द्र गुरुङ बताउनुभयो ।
खेलप्रेमी चित्र बहादुर गुरुङले प्रतियोगिता संचालन गर्न ३ लाख रुपैया सहयोग गरेका छन । यसैगरि प्रथम पुरस्कार राशी निर्मल शर्मा, कृष्णबाबु पोखरेल, शंकर सापकोटा, जितेन्द्र केसी, तारा शर्मा र पशुपति गिरी तथा द्धितिय पुरस्कार हिमाल थापा मगर र सचिन दलार्मीले तथा तृतिय पुरस्कार लुम्बिनी फर्निचरले सौजन्य गरेका छन ।
यस प्रतियोगितालाई खबरकुरा डट कमले प्रत्यक्ष प्रसारण गरिरहेको छ ।
प्रतिक्रिया