काठमाडौं । नेकपा एमालेका नेता घनश्याम भुसालले अध्यक्ष केपी शर्मा ओलीलाई पार्टी फुटाउन लागेको आरोप लगाएका छन् ।
पार्टीले सोधेको स्पष्टीकरणमको ११ पृष्ठको लिखित जवाफ पठाउँदै नेता भुसालले अरु कसैको इसारामा पार्टी फुटाउन लागि परेको बताएका हुन् । भुसालले ओलीलाई कङ्गारु अदालत चलाउने प्रयासमा लागेको आरोप समेत लगाएका छन् । नक्कली प्रक्रिया र प्रमाणका आधारमा अघि बढेको भन्दै उनले भनेका छन्, तपाईंले मागेका तथाकथित स्पष्टीकरणसहित लिखित जवाफले तपाईं त्यही कङ्गारु अदालतको अभ्यास गर्दै हुनुहुन्छ भन्ने कुरा प्रथम दृष्टिमै प्रत्यक्ष छ, प्रमाणित छ ।’
भुसालले एमालेलाई अगाडि बढ्न नदिन ओलीले पार्टीलाई बन्धक बनाएको आरोप लगाउँदै सत्ता र शक्तिको भोगले मैमत्त भएको जिकिर समेत गरेका छन् । उनले ओलीलाई व्यक्तिवादको नशाबाट ब्युँतिन आग्रह गर्दै भनेका छन्, ‘मेरो लाख(लाख अनुरोध छ, कमरेड यस पार्टीलाई अगाडि बढ्न दिनुस् । अझै पनि व्यक्तिवादको घोर नशाबाट ब्युँझनुस् । क्रान्ति त अघि बढ्छ, बढ्छ । आज, भोलि वा पर्सी तपाईं दण्डित हुनु हुनेछ । आगे तपाईंकै इच्छा ।’
[pdf-embedder url=”http://3.0.214.97/wp-content/uploads/2021/03/ghanshyam-bhusal-spastatikaran.pdf”]
प्रतिक्रिया