झापा । प्रधानमन्त्री केपी शर्मा ओलीको गृह जिल्ला झापामा ब्यवसायीकरुपमा वेश्याबृत्ती गर्ने उद्देश्यले कोठी सञ्चालन भएको खुलासा भएको छ । झापाको दमक नगरपालिकामा महिलालाई घरमै राखी वेश्यावृत्तिमा लगाउँदै आएका दुई महिलालाई प्रहरीले पक्राउ गरेपछट जिल्लामा कोठी सञ्चालनमा रहेको खुलासा भएको हो ।
धन्दामा लगाईएका ८ जना महिलाको उद्दार गरिएको छ भने कोठा भाडामा लिई वेश्याबृत्ती गराउने मोरङ पथरी शनिश्चरे नगरपालिका–३ की ३८ वर्षीया उर्मिला नेम्वाङ र इलाम चुलाचुली गाउँपालिका–४ बस्ने ३८ वर्षीया नन्दिता लिम्बूलाई प्रहरीले पक्राउ गरेको छ ।
पक्राउ परेका २ जनाले दमक नगरपालिका–६ स्थित नयाँ सब्जीमण्डीमा घरभाडामा लिएर वेश्यावृत्ति गराउँदै आएको भन्ने विशेष सूचनाका आधारमा प्रहरीले छापामार्दा धन्दा गराउने महिला सहित स्थानीय आठ महिला फेला परेका थिए ।
प्रहरीका अनुसार आठ जना १७ वर्षदेखि ३९ वर्ष उमेर समूहका महिलाको समेत प्रहरीले उद्धार गरेको छ । उद्धार गरिएका सबैलाई परिवारको जिम्मा लगाइएको प्रहरीले जनाएको छ ।
पक्राउ परेका दुवै महिलालाई मानव बेचविखनविरुद्धको मुद्दा दर्ता गरी जिल्ला अदालत झापाबाट म्याद थप लिई अनुसन्धान भइरहेको जिल्ला प्रहरी कार्यालयले जनाएको छ ।
प्रतिक्रिया