काठमाडौं । समृद्धि महर्जन र कर्मिस्ता श्रेष्ठ तेस्रो आईएमई जेटिआई ग्रान्ड जुनियर खुला टेनिस अन्तर्गत यु–१२ गल्र्सतर्फको फाइनलमा प्रवेश गरेका छन् ।
मन्डिखाटार स्थित टेबल टेनिस कोर्टमा भएको सेमिफाइनल खेलमा समृद्धि महर्जनले प्रजना महर्जनलाई ६–४, ६–४ को सेटमा हरउँदै अन्तिम दुई स्थान बनाउँदा कर्मिस्ता श्रेष्ठले आर्या गुरुङलाई ६–२, ६–० को सेटमा हराउँदै समृद्धिसँगको भेट पक्का गरेकी हुन् ।
सामाजिक उत्तरदायित्व अन्तर्गत आईएमईले सञ्चालन गरेको प्रतियोगितामा यु–१० ब्वाइज तर्फ असभ सम्राट हाडा र स्पन्दन उदास उपाधि नजिक पुगे । असभले अनिस कसुलालाई ६–१ र ६–० तथा स्पन्दनले डोजन गुरुङलाई ६–० र ६–० ले हराउँदै अन्तिम दुईमा स्थान बनाएका हुन् । यस्तै यु–१२ ब्वाइज तर्फ दर्शिल श्रेष्ठ, सृजन भट्टराई, निसाध जोशी र बोरिस अधिकारीले सेमिफाइनलमा स्थान बनाउँदा ब्वाईज युगलमा निहाल थापा र सक्षम विक्रम शाह, प्रनभ मानन्धर र राजवीर प्रधान तथा प्रितम परियार र सौगात विकको जोडी अन्तिम चारमा प्रवेश गरे ।
आईटिएफ र नेपाल टेनिस संघको नियम अनुसार सञ्चालन भएको प्रतियोगितामा व्वाईज तर्फ ६ र गल्र्स तर्फ ५ विधामा प्रतिस्पर्धा हुँदै छ । प्रतियोगिता आइतबार सम्म सञ्चालन हुनेछ ।
प्रतिक्रिया