काठमाडौं । उद्योग, वाणिज्य तथा आपूर्तिमन्त्री लेखराज भट्टले कोरोना भाइरस संक्रमणको जोखिमबारे समीक्षा भए पनि विद्यालय बन्द गर्ने निर्णय नभएको बताएका छन ।
शनिबार बसेको कोभिड-१९ संकट व्यवस्थापन केन्द्र (सीसीएमसी) को बैठकमा विद्यालय बन्दसहितको ११ बुँदे निर्देशिका जारी गर्न मन्त्रिपरिषद्लाई सिफारिस गर्ने निर्णय भएको खबर सार्वजनिक भएको थियो । तर, मन्त्री भट्टले विद्यालय बन्दका विषयमा निष्कर्षमा पुग्न नसकिएको बताए ।
कोरोनाको नयाँ भेरिएन्टको संक्रमण देखिन थालेपछि स्वास्थ्य तथा जनसंख्या मन्त्रालयले विद्यालय बन्द गरेर भर्चुअल माध्यमबाट पठनपाठनको व्यवस्था मिलाउन सिफारिस गरेको थियो ।
मन्त्री भट्टले यसबारे छलफल भएको निर्णय गर्ने अधिकार मन्त्रिपरिषद्लाई रहने बताए ।
प्रतिक्रिया