दोलखा । दोलखामा सवारी दुर्घटना हुँदा चार जनाको मृत्यु भएको छ ।
सिन्धुपाल्चोकको तातोपानीबाट दोलखाको गौरीशंकर गाउँपालिका जाँदै गरेको बोलेरो जिप विगु गाउँपालिकाको लादुकमा दुर्घटना हुँदा चार जनाको मृत्यु भएको हो ।
सोमबार राति १०ः३० बजे भएको दुर्घटनामा परी अन्य १८ जना घाइते भएको दोलखा प्रहरीका प्रवक्ता प्रहरी निरीक्षक अञ्जन कोइरालाले बताए ।
जसमध्ये ५ जनाको अवस्था गम्भीर रहेको छ । ७ जनाको दोलखामै उपचार भैरहेको छ । त्यस्तै ११ जनाको काठमाडौंमा उपचार भइरहेको छ ।
घाइते हुनेमा १० महिने बालक समेत रहेको उनले बताए । सामान्य घाइते बालक भने आफन्तको जिम्मा लगाइएको उनको भनाइ छ ।
प्रतिक्रिया