बाँकेमा आज पनि ४ जना कोरोना संक्रमितको मृत्यु

नेपालगन्ज । बाँकेका भेरी अस्पताल र नेपालगन्ज मेडिकल कलेजमा उपचार गराईरहेका ४ जना कोरोना संक्रमतिको आज मृत्यु भएको छ । नेपालगन्ज मेडिकल कलेजमा उपचाररत २ जना, भेरी अस्पतालमा उपचाररत १ जना र होम आइसोलेसनमा बसेका १ जना गरि आज बाँकेमा ४ जना कोरोना संक्रमितको मृत्यु भएको हो ।

मेडिकल कलेजमा उपचाररत कोहलपुर ५ कि ४५ वर्षिया महिलाको आज बिहान ७ बजे मृत्यु भएको थियो भने, नेपालगन्ज मेडिकल कलेजमा उपचार गराईरहेका बर्दिया बढैयाताल ८ का संक्रमितको थप उपचारका लागि भेरी अस्पतालमा पु¥याए लगत्तै मध्यान्ह १२ बजे मृत्यु भएको थियो । त्यस्तै नेपालगन्ज ४ का ५५ वर्षिय पुरुषको नेपालगन्ज नर्सिङ होमको प्रि आइसोलेसनमा उपचारकै क्रममा २ः३५ बजे मृत्यु भएको छ भने खजुरा २ का ८८ वर्षिय पुरुषलाई हिजो आईतबार मेडिकल कलेजबाट डिस्चार्ज गराई होम आइसोलेसनमा लगेकोमा आज ४ बजे उनको मृत्यु भएको छ ।

बाँकेमा जिल्ला भित्रका कोरोना संक्रमणबाट मृत्यु हुनेको संख्या ८९ पुगेको छ भने जिल्ला बाहिरबाट बाँकेमा आई उपचारका क्रममा मृत्यु हुनेको संख्या १०५ पुगेको छ ।