काठमाडौं । कोरोना भाइरसको संक्रमणबाट सेती प्रादेशिक अस्पतालको कोभिड अस्थायी अस्पतालमा उपचाररत थप दुई जनाको मृत्युु भएको छ ।
मृत्यु हुनेमा कैलालीको घोडाघोडी र लम्कीचुहा नगरपालिकाका दुई पुरुष रहेका छन् ।
घोडाघोडी नगरपालिका वडा नं. १० का ६० वर्षीय पुरुष संक्रमण पुष्टि भएपछि अस्पताल भर्ना भएका थिए । श्वासप्रश्वास र निमोनियाले ग्रस्त उनको अस्पतालको आईसीयूमा उपचार भैरहेको थियो ।
यस्तै, अस्पतालमा उपचाररत रहेकै अवस्थामा लम्कीचुहा २ का ३३ वर्षीय पुरुषको मृत्यु भएको थियो । उनी यही बैशाख १४ गते अस्पताल भर्ना भएका थिए । उनी पनि निमोनियाले ग्रस्त भएको अस्पतालले जनाएको छ ।
प्रतिक्रिया