काठमाडौं । भारतसंगको हवाई उडार बिश्व समुदायका प्राय सबै मुलुकहरुले बन्द गरेका बेला सरकारले भारतसँगको उडानलाई कायम गर्दै अन्य सबै अन्तराष्ट्रिय उडान बन्द गर्ने निर्णय गरेको छ । कोरोना कहरले भयाबह अवस्था सिर्जना गरेको भारतसँग भने सातामा दुई उडान कायम राख्ने निर्णय भएको छ । आइतबार बसेको मन्त्रिपरिषद्को बैठकले यस्तो निर्णय गरेको हो ।
कोरोना रोकथामका लागि भन्दै सरकारले आज राति १२ बजेबाट लागू हुने गरी सबै आन्तरिक उडान बैशाख मसान्त सम्मका लागि बन्द गरिएको छ भने वैशाख २३ गते (बिहीबार) राति १२ बजेबाट लागू हुने गरी सबै अन्तर्राष्ट्रिय उडान बन्द गरिएको छ । अन्तराष्ट्रि उडान बन्द गर्ने निणय गरिएपनि भारतसँगको उडान भने सातामा दुई वटा कायम रहने मन्त्रिपरिषदको निर्णयमा उल्लेख छ ।
भारतबाट हवाई उडान हुँदै आउने यात्रुले भने १० दिन क्वारेन्टिनमा बस्नु पर्ने छ । अत्यावश्यक अवस्थामा अनुमति लिएर चार्टर्ड उडान भने गर्न सकिने नेपाल नागरिक उड्डयन प्राधिकरणका उपमाहनिर्देशक तथा प्रवक्ता राजकुमार क्षेत्रीले बताए ।
प्रतिक्रिया