पोखरा । राष्ट्रिय जनमोर्चाको गण्डकी प्रदेशसभा संसदीय दलबाट निस्काशित सांसद कृष्ण थापाले आफुमाथि कीर्ते कारवाही भएको भन्दै मान्यता नदिन प्रदेश प्रमुखलाई पत्र लेखेका छन् ।
थापाले प्रदेश प्रमुखको नाममा पत्र पठाउँदै जनमोर्चाको नाममा आफुमाथि कीर्ते जालसाझी गरी कारवाही गरेको आरोप लगाउँदै त्यसलाई मान्यता नदिन प्रदेश प्रमुखलाई आग्रह गरेका हुन् । यद्यपी, संसदीय दलको नेता या सांसदबारे निर्णय गर्ने अधिकारी प्रदेश प्रमुखलाई नभै प्रदेशसभा सचिवालयलाई हुन्छ ।
थापाले आफु सरकार निर्माणमा कुनै समुहमा संलग्न नभै तटस्थ बसेको पनि जिकिर गरेका छन् ।
जनमोर्चासहि नेपाली कांग्रेस, माओवादी केन्द्र र जसपाले भने चार दलको समर्थनमा बहुमत सांसदहरुको हस्ताक्षरसहित प्रदेश प्रमुखलाई धारा १६८ को उपधारा २ अनुसारको बहुमतको सरकारमा दाबी पेश गरेका छन् ।
प्रतिक्रिया