बुटवल । स्वास्थ्य तथा जनसंख्या मन्त्रालयले सरकारी अस्पतालहरुको प्रयोगशालाहरुको शुल्क निर्धारण गरेपनि बिभिन्न कारणहरु देखाउँदै सरकारी निर्णयको बेवास्ता गर्दै आएको लुम्बिनी प्रादेशिक अस्पतालले आजबाट पीसीआर शुल्क घटाएको छ । लामो समयदेखि सरकारको निर्णय बिपरित २ हजार रुपैयाँ लिँदै आएको अस्पतालले आजबाट शुल्क घटाएर १ हजार बनाएको छ ।
अस्पतालको आन्तरिक स्रोत लगायतको कारण देखाउँदै मन्त्रालयको निर्णय अवज्ञा गर्दै आएको अस्पताल विकास समितिले प्रदेश सरकारको समेत दवाव आएपछि आजबाट लागु हुने गरि घटाएको हो । मन्त्रालयले सरकारी अस्पतालहरुमा लक्षण सहितको संक्रमितलाई निशुल्क र उनीहरुको सम्पर्कमा आएकाहरुको निशुल्क पीसीआर परीक्षण गर्न निर्देशन गरेको थियो । नेपालका अधिकांस सरकारी अस्पतालहरुले लक्षण सहितका संक्रमितको निशुल्क परीक्षण गरेपनि सम्पर्कमा आएकाको तथ्यांक लिने र निशुल्क ब्यवस्थापन भने गरेका थिएनन् ।
सरकारी अस्पतालमा एकैपटक स्वचालित एक्सट्राक्सन किट सकिएका कारण पछल्लो समय पीसीआर परीक्षण समेत निकै कम परिमाणमा हुँदै आएको छ ।
प्रतिक्रिया