कपिलवस्तु गोली काण्ड : गोली प्रहार गर्ने २ जना पक्राउ

कपिलवस्तु । जेष्ठ ५ गते राती कपिलवस्तुमा नेकपा (माओवादी केन्द्र)का जिल्ला नेता दीपक पाण्डे र भारतीय नागरिक इयाज अख्तर मुसलमान माथि गोली प्रहार गर्ने २ जनालाई कपिलवस्तु प्रहरीले पक्राउ गरेको छ । प्रकाउ पर्नेमा कपिलवस्तु नगरपालिका वडा नं १ तौलिहवाका ३९ बर्षिय ओम प्रकाश यादव र वडा नं २ सागरटोल बस्ने बर्ष ३३ का साकिर अलि पाखिया रहेको जिल्ला प्रहरी कार्यलय कपिलवस्तुले जनाएको छ ।

पक्राउपरेकाहरुले नेता पाण्डेसँगको ब्यक्तिगत रिसिवीका कारण गोली प्रहार गरेको बयान दिएको प्रहरीले जनाएको छ । प्रहरीका अनुसार उनीहरुले ५ गते राति लु १६ प ३४९७ को मोटर साइकल आफै चलाई घटना स्थलमा पुगी ३ राउन्ड गोली हानेको प्रहरी समक्ष स्विकार गरेका छन् ।

हाल घाइते पाण्डेको युनिभर्सल मेडिकल कलेज भैरहवामा उपचार भइरहेको जिल्ला प्रहरी कार्यालय कपिलवस्तुका नयाव उपरिक्षक धर्मराज भण्डारीले बताएका छन ।