काठमाडौं । सुदुरपश्चिम प्रदेशका पूर्व प्रदेशप्रमुख मोहोनराज मल्लको कोरोना संक्रमणका कारण मृत्यु भएको छ ।
ललितपुरको पुल्चोकस्थि निदान अस्पतालमा उपचार गराइरहेका मल्लको आज बिहान मृत्यु भएको ७ बजे निधन भएको मल्लका तत्कालीन स्वकीय सचिव धनसिंह साउदले जानकारी दिए । ।
कोरोना संक्रमण देखिएपछि उनलाई अस्पताल भर्ना गरिएको थियो । उनी लामो समयदेखि निमोनियाबाट पीडित थिए ।
नयाँ संविधानअनुसार नेपालमा संघीयता लागुभएपछि तत्कालिन शेरबहादुर देउवा सरकारले मल्ललाई सुदुरपश्चिम प्रदेश (प्रदेश नं. ७)को प्रदेशप्रमुख बनाएको थियो । २०७४ माघ ३ गते प्रदेश प्रमुख नियुक्त भएका मल्लले ८ गते शपथ लिएका थिए ।
त्यसअघिसम्म नेपाली कांग्रेसको महासमिति सदस्य रहेका कैलालीका पुराना राजनीतिज्ञ मल्ल २०३७ देखि ०४६ सम्म राष्ट्रिय पञ्चायत सदस्य समेत भएका थिए । २०७० सालको दोस्रो संविधानसभाअघि नेपाली कांग्रेसमा प्रवेश गरेका थिए । मल्लका एक छोरा र एक छोरी छन् ।
प्रतिक्रिया