कैलाली । गत २ महिनायता सुदूरपश्चिम प्रदेशमा बुधवार पहिलो पटक कोरोना भाइरस संक्रक्रमणबाट मृत्यु हुनेको दर शून्यमा झरेको छ ।
पछिल्लो २४ घण्टामा सुदूरपश्चिम प्रदेशमा कोरोना भाइरस संक्रमणबाट कसैको पनि मृत्यु नभएको स्वास्थ्य निर्देशनालय दिपायलले जनाएको छ ।
सो अवधिमा १ हजार ५२१ नमूना परीक्षण गरिएकोमा २९३ जनामा कोरोना भाइरस संक्रमण देखिएको छ । यससँगै प्रदेशमा कोरोना भाइरस संक्रमितको संख्या ४१ हजार ८६९ पुगेको छ ।
पछिल्लो २४ घण्टामा उपचारपछि निको भएर घर फर्किनेको संख्या ४३६ जना रहेको निर्देशनालयले जनाएको छ । निर्देशनालयलका अनुसार प्रदेशका विभिन्न अस्पतालमा मंगलवार भेन्टिलेटरमा ४, सघन उपचार कक्षमा ८ र कोभिड वार्डमा १४ जना बिरामी भर्ना भएका छन् ।
दोस्रो लहरको कारोना भाइरस संक्रमण फैलिएयता जेठ ७ गते एकैदिन प्रदेशमा सबैभन्दा बढी ९८४ जना नयाँ संक्रमित थपिएका थिए । प्रदेशमा सबैभन्दा बढी एकैदिन ३१ संक्रमितको मृत्यु भएको थियो ।
कोरोना भाइरस संक्रमण रोकथाम तथा नियन्त्रणका लागि कैलालीमा स्थानीय प्रशासनद्वारा जारी निषेधाज्ञाको अवधि जेठ ३१ गतेसम्म थपिएको छ । रासस
प्रतिक्रिया