दोलखा । तामाकोसी नदीको सहयक रोङ्सी खोलाको पहिरो हटाउन चिनियाँ टोली परिचालन भएको छ।
चीनको स्वशाससित क्षेत्र तिब्बतस्थित तिङ्ग्री काउन्टीनजिकै पर्ने उक्त रोङ्सी खोलाको पहिरो हटाउन चीनले आफ्नो टोली परिचालन गरेको हो ।
चिनियाँ टोलीले अहिले पहिरो हटाइरहेको दोलखाका प्रमुख जिल्ला अधिकारी वासुदेव घिमिरेले बताएका छन् । तर, तिब्बततर्फ भएका कारण ताल फुटाउन कतिजना चिनियाँ टोली पुगेको छ भन्नेबारे थाहा नेपाली पक्षलाई जानकारी गराइएको छैन ।
उक्त खोलाबाट बाढी आउन सक्ने आकंलन गर्दै माथिल्लो तामाकोसी जलविद्युत आयोजनाको जलाशयबाट पानी छाडिएको छ ।
रोङ्सी खोला सामान्य अवस्थामा आउन समय लाग्ने बताइएको छ । जसका कारण जोखिम कायमै छ । पहिरो हटेपछि तल्लो तटीय क्षेत्रमा पानीको बहाव बढ्न सक्ने हुँदा दोलखा जिल्ला प्रशासनले नदी आसपासका क्षेत्रमा बस्ने बासिन्दालाई सर्तक रहन आग्रह गरेको छ ।
प्रतिक्रिया