काठमाडौं । मेलम्ची बाढीपीडितको नाममा जथाभावी चन्दा उठाउने र राहत संकलन गर्न थालिएपछि जिल्ला प्रशासन कार्यालय सिन्धुपाल्चोकले मेलम्चीका बाढी पिडितका नाममा चन्दा वा राहत संकलन गर्न प्रतिबन्ध लगाएको छ ।
प्रशासनले मेलम्चीका बाढी पिडितका नाममा राहत संकलन वा चन्दा संकलन गरे एक लाख जरिवाना र दुई वर्षसम्म कैद हुने चेतावनी दिएको छ ।
विपद् पीडितका नाममा चन्दा वा राहत संकलन नगर्न जिल्ला प्रशासन कार्यालय सिन्धुपाल्चोकले जिल्लाका संघसंस्था र व्यक्तिहरुलाई निर्देशन दिएको हो ।
शुक्रबार प्रशासनले एक विज्ञप्ति जारी गर्दै चन्दा वा राहत संकलन गरेमा, बजारमूल्य वृद्धि गरेमा, कृत्रिम अभाव सिर्जना गरेमा, गुणस्तरहीन वस्तु तथा सेवाको कारोबार गरेमा कानूनी कार्वाही गर्ने सूचना मार्फत जानकारी गराएको छ ।
प्रशासनले सरोकारवालाको ध्यानाकर्षण गराराँदै उक्त कार्य गर्नेलाई कसुरको मात्रा हेरी एकलाख रुपैयाँसम्म जरिवाना, दुईवर्षसम्म कैद वा दुबै सजाय हुन सक्ने सूचित गरेको हो ।
प्रतिक्रिया