नेपाल टेलिकमको मोवाइल नेटवर्कमा देशैभर समस्या

काठमाठौं । काठमाडौं उपत्यका लगायत देशका विभिन्न भागमा नेपाल टेलिकमको मोवाइल नेटवर्कमा समस्या आएको छ ।

नेटवर्क समस्याका कारण टेलिकमको जीएएम नेटवर्कमा फोन सम्पर्क नहुने समस्या आएको आएको छ ।

काठमाडौं, भैरहवा, बुटवल, नेपालगन्ज लगायतका क्षेत्रमा टेलिकमको नेटवर्कले काम नगरेको गुनासो सामाजिक सञ्जालमा आएका छन् । उनीहरुले टेलिकमका मोबाइलमा फोन नलागेको, एसएमएस र इन्टरनेट समेत नचलेको जस्ता समस्या आएको भन्दै सामाजिक सञ्जालमा के भएको भन्दै जिज्ञासा राखेका छन् ।

आफ्नो मोवाइल नेटवर्कमा सम्पर्क समस्या आएको टेलिकमले स्वीकार गरेको छ । कोर नेटवर्क एचएलआरमा समस्या आउँदा भ्वाइस कलमा समस्या देखिएको टेलिकमले जनाएको छ ।