काठमाडौं । ललितपुर महानगरपालिका भित्र बसोबास गर्ने ७७ वर्ष उमेरमाथिका जेष्ठ नागरिकलाई कोरोना विरुद्धको खोप लगाईंदैछ ।
ललितपुर महानगरपालिकाले महानगरभित्र बस्ने ७७ वर्षभन्दा माथिका जेष्ठ नागरिकलाई भारतीय कोभिसिल्ड खोपको दोस्रो डोल लगाउन लागेको हो ।
बिहान १० बजेदेखि अपरान्ह ४ बजेसम्म दुई हजार २२० जनालाई खोप लगाउने कार्यक्रम रहेको छ ।
वडा कार्यालयबाट सिफारिस गरिएका व्यक्तिहरूले महानगरपालिकाले तोकेको आठवटा खोप केन्द्रबाट खोप लगाउन पाउने छन्।
महानगरपालिकाले प्रकाशित गरेको सूचना अनुसार वडा नम्बर ५, ६, ७, ८, १२, १४, १५, १७ र १९ का नागरिकले लगनखेलस्थित पशु सेवा केन्द्र, पशु अस्पतालमा गएर खोप लगाउन सक्नेछन् ।
त्यस्तै वडा नम्बर १, ९, १०, ११, १६ र २० का नागरिकले पाटनढोका (पाटन हाइस्कुल)मा गएर खोप लगाउनु पर्नेछ । यसैगरी वडा नम्बर २, ३, ४ र १३ का नागरिकले ललितपुर महानगरपालिका प्रांगणमा र वडा नम्बर २३ र २४ का नागरिकले धापाखेल स्वास्थ्य चौकीमा गएर खोप लगाउनुपर्ने छ ।
यसैगरी वडा नम्बर २६ र २७ का नागरिकलाई सुनाकोठीस्थित बालकुमारी स्कुलमा, वडा नम्बर २१ र २२ का नागरिकलार्य कार्यविनायक स्कुलमा खोप लगाउने व्यवस्था मिलाइएको छ । यस्तै, वडा नम्बर २८ र २९ का नागरिकलाई हरिसिद्धि स्वास्थ्य चौकीमा र वडा नम्बर १८ र १५ का नागरिकलाई सैंबु स्वास्थ्य चौकीमा खोपको व्यवस्था मिलाइएको छ ।
प्रतिक्रिया