भूमिसम्बन्धी समस्या समाधान आयोग खारेजीको विरोधमा युवा संघको प्रदर्शन

काठमाडौं । सरकारले भूमिसम्बन्धी समस्या समाधान आयोग खारेज गरेको विरोधमा नेकपा एमालेको युवा संगठन युवा संघले प्रदर्शन गरेको छ ।

युवा संघले मनहरा सुकुम्बासी बस्तीबाट ब्यानर, पम्प्लेटसहित प्रदर्शन गरेको छ । यसअघि, नेकपा एमालेले हिजो विज्ञप्ति प्रकाशित गरेको विरोध गरेको थियो ।

केपी ओली नेतृत्वको सरकारले गठन गरेको आयोगले १ लाख भन्दा बढी भूमिहिनलाई लालपूर्जा वितरणको तयारी गरिएको भनिएको थियो ।

प्रदर्शनमा युवा संघका कार्यकर्ताले ‘भूमि अधिकार खोस्न पाइँदैन, भूमि हाम्रो अधिकार हो, भूमिहीन जनता एक हौँ, गरिबमारा सरकार मुर्दावाद, हाम्रो भूमि फिर्ता दे, भूमि खोस्न पाइँदैन, सुकुम्बासीको माग पूरा गरु लगायताका नारा लगाएका थिए ।