बुटवल । मानव अधिकार तथा शान्ति समाज रुपन्देहीले बुटवलमा निःशुल्क मास्क वितरण गरेको छ ।
विश्वभर फैलिएको कोरोना भाइरसबाट जोगिने उपाय सिकाउंदै सजग बनाउन बुटवलको चांदबारी चोकबाट मास्क बितरण अभियान चलाइएको हो ।
करिब ७ सय जनालाई १ हजार पिस मास्क बितरण गरिएको समाज रुपन्देहीका सभापति डीपी खनालले जानकारी दिए । मास्क वितरण गरेपनि मुख्य अभियान भनेको कोरोनाबाट जोगिने उपायको बारेमा जानकारी गराउनु नै भएको खनालले बताए ।
कोरोना भाइरसविरुद्धको सचेतनाका लागि सचेतनमुलक सन्देश सहि कार्यक्रम गरिएको समाजका रुपन्देही सचिव कपिल ज्ञवालीले बताए । सडकमा हिडेका पैदल यात्री,रिक्सा,साइकल तथा अन्य सवारी साधनमा भेटिएका मानिसहरु मध्ये ४० प्रतिशतले मास्क प्रयोग नगरेको पाइएको उनले बताए ।
सो अबसरमा अभियान्ता रिता केसीले सबैले मास्कको प्रयोग गरेर आफु र अरुलाइ पनि बचाउन आग्रह गरिन । निशुल्क मास्क पाउंदा सर्वसाधारण खुसी भएका थिए ।
सो अभियानमा मानव अधिकार तथा शान्ति समाज रुपन्देहीका पदाधिकारी,सदस्य तथा शुभेच्छुकहरुको सहभागिता रहेको थियो ।
प्रतिक्रिया