बुटवल । पछिल्लो समय कोभिड संक्रमण बढ्न थालेपछि रुपन्देहीका सामाजिक संघसंस्थाहरु स्वस्थ्य सामग्री वितरण र सचेतना कार्यक्रममा जोड दिन लागेका छन ।
सोमबार रोटरी क्लब अफ बुटवल डाउनटाउनले सियारी गाउपालिकास्थित हर्नौया हेल्थपोष्टलाई स्वस्थ्य सामग्री वितरण गरेको छ ।
कोभिड १९ संक्रमण बढ्न थालेको बेला क्लबले सामाजिक उत्तरदायित्व अन्तरगत एक हजार ५ सय थान मास्क, ३ ग्यालिन सेनिटाईजर, १० पिस पिपिई र ५ सय जोर ग्लब्स वितरण गरेको हो ।
एक समारोहका बिच सियारी गाउपालिका उपाध्यक्ष अमृता गुरुङ, क्लबका अध्यक्ष जबिन कक्षपति, क्लबका पुर्व अध्यक्ष पिताम्बर ज्ञवाली, तुलसी घिमिरेले स्वस्थ्य चौकी ईन्चार्ज प्रेम सुवेदीलाई स्वस्थ्य सामग्री हस्तान्तरण गरेका हुन ।
क्लबका निर्वतमान अध्यक्ष पंकज ज्ञवालीको धर्मपत्नी लक्ष्मि ज्ञवालीको जन्मदिवसको अवसरमा करिब २० हजार बराबरको स्वस्थ्य सामग्री उपलब्ध गराएको क्लबका अध्यक्ष जबिन कक्षपतिले बताए ।
कार्यक्रममा पुर्वअध्यक्ष भिम राज श्रेष्ठ, ईलेक्ट प्रेसिडेन्ट भरत राना, सर्जन आर्म फष्ट प्रेमा केसीले समाजको आवश्यकता अनुसार सामाजिक कार्यमा आफुहरु लागेको बताए ।
प्रतिक्रिया