काठमाडौं । जनगायक जेवी टुहुरेको निधन भएको छ ।
केहीसमय अघिदेखि बिरामी रहेका टुहुरेको उपचारकै क्रममा आज निधन भएको हो ।
टुहुरेको पार्थिव शरीरलाई माओवादी केन्द्रको केन्द्रीय कार्यालय पेरिसडाँडामा दिउँसो १:३० बजेदेखि २ बजेसम्म श्रद्धान्जलीका लागि राखिने भएको छ ।
जनसांस्कृतिक महासंघका नेपालका संरक्षक, संविधानसभा सदस्य एवं नेकपा (माओवादी केन्द्र)का केन्द्रीय सल्लाहकार रहेका टुहुरेको बिहीबार दिउँसो १२:३० वजे निधन भएको हो ।
टुहुरेको शव ३:०० बजेदेखि ४:०० वजेसम्म पशुपति आर्यघाटमा राखिने छ । त्यसपछि अन्तिम संस्कार हुने बताइएको छ ।
जनताका गीत गाउने टुहुरेका ‘आमा दिदीबहिनी हो, कति बस्छौ दासी भै..’ लगायतका गीत निकै चर्चित छन् ।
प्रतिक्रिया