महेन्द्रनगर । महाकालीको तुइनबाट एक नेपालीलाई खसालिएको सम्बन्धमा गठन भएको छानबिन सकितीले दार्चुला घटनामा भारतीय अर्धसैनिक सुरक्षा बल (एसएसबी) को संलग्नता रहेको ठहर भएको छ । गृह मन्त्रालयले जयसिंह धामी महाकालीको तुइनबाट खसेर भएको घटनाबारे छानबिन गर्न गठन गरेको समितिले नेपाली युवा धामी टुइनबाट खसेको घटनामा भारतीय एसएसबीको संलग्नता रहेको ठहर गरेको हो ।
समितिले आज गृहमन्त्री बालकृष्ण खाँणलाई बुझाएको प्रतिबेदनमा घटनामा एसएसबीको संलग्नता रहेको पुष्टि भएका कारण कुटनितिक माध्यमबाट संलग्नहरुलाई कारवाही प्रक्रिया अगाडि बढाउन सिफारिस गरेको छ ।
छानबिन समितिले बुझाएको प्रतिवेदनमा घटना भारतीय एसएबीका सुरक्षाकर्मीको उपस्थितिमा घटेको देखिएकाले निजहरुको संलग्नता सम्बन्धमा अनुसन्धान गरी दोषीउपर कानुनी कारबाही गर्न र जयसिंह धामीका परिवारलाई उचित क्षतिपूर्ति र राहत उपलब्ध गराउन भारतीय पक्षसँग कूटनीतिक माध्यमबाट पहल गर्न सिफारिस गरेको गृहमन्त्रालयले जारी गरेको विज्ञप्तिमा उल्लेख गरिएको छ । विज्ञप्तिमा बेपत्ता धामीबाट आश्रित परिवारलाई नेपाल सरकारका तर्फबाट पालनपोषण र शिक्षादीक्षाको व्यवस्थापन गर्न समेत समितिले सिफारिस गरेको जनाईएको छ ।
प्रतिक्रिया