बुटवल । एमाले मै बस्ने की नेकपा एकिकृत समाजवादी रोज्ने ? भनेर निर्वाचन आयोगले निर्धारण गरिदिएको समय सकिन एक दिन बाँकी रहँदा रुपन्देहीमा एकजना नगर उपप्रमुख सहित ५ जना एमालेको तर्फबाट निर्वाचित जनप्रतिनिधिहरुले नेकपा एकिकृत समाजवादी रोजेका छन् ।
रुपन्देहीको सिद्धार्थनगर नगरपालिकाकी उपप्रमुख उमा काफ्लेसहितका ५ जना जनप्रतिनिधिहरुले ले नेकपा एकीकृत समाजवादी रोजेका हुन् । सोमबार मध्यान्ह निर्वाचन कार्यालय भैरहवा पुगेर उनीहरुले समाजवादी रोजेको सनाखत गराएका छन् ।
आफुले निर्वाचन कार्यालय गएर एकिकृत समाजवादीमा रहने गरि सनाखत गराएको उपप्रमुख काफ्लेले बताइन् । एकिकृत समाजवादीका रुपन्देही अध्यक्ष राजु गुरुङका अनुसार काफ्ले सहित बुटवल उपमहानगरका वडा सदस्यहरु चिनबहादुर गुरुङ, गोपाल नेपाल, सुनील शाक्य र तिलोत्तमाका कार्यपालिका सदस्य यज्ञेश्वर क्षत्रीले समाजवादी रोजेका छन् ।
रुपन्देहीमा थप एमालेका जनप्रतिनिधिहरुले समाजवादी रोज्ने अध्यक्ष गुरुङले दाबी गरे । ‘बाँकी रहेका केही जनप्रतिनिधिले भोलि मंगलबार सनाखत गराउनु हुन्छ ।’ समाजवादी रुपन्देहीका संयोजक गुरुङले भने ।
निर्वाचन आयोगले प्रदेश तथा स्थानीयतहमा निर्वाचित एमालेका जनप्रतिनिधिहरुले भाद्र २२ गते सम्ममा एमाले मै बस्ने वा एकिकृत समाजवादी रोज्ने ? भन्ने निर्णय गर्न सक्ने गरि निर्णय सुनाएको छ ।
प्रतिक्रिया